EURALIUS V
EURALIUS V

Aktiviteti Inagurues i EURALIUS-it V

Print Email

Projekti EURALIUS V, i financuar nga Bashkimi Europian, shënoi fillimin e aktivitetit më 13 qershor 2018 në mjediset e ‘EUROPE HOUSE’ të Delegacionit të BE-së në Tiranë, Shqipëri. Pjesëmarrësit ishin Z Christian Lange, Sekretar Shteti i Ministrisë Federale të Drejtësisë dhe Mbrojtjes së Konsumatorit, Zj Etilda Gjonaj, Ministre e Drejtësisë, Zj Romana Vlahutin, Ambasadore e Delegacionit të BE-së në Shqipëri, si dhe Ambasadorët e Shteteve Anëtare dhe përfaqësuesit e gjyqësorit shqiptar.

Në mars 2018, IRZ-ja përmbylli me sukses projektin paraardhës EURALIUS IV dhe procedura e tenderimit për EURALIUS-in V fatmirësisht ishte e suksesshme kështu që EURALIUS-i V iu besua konsorciumit të drejtuar nga IRZ-ja. Për pasojë, qysh nga data 1 prill 2018, IRZ-ja po vijon punën e saj në Shqipëri në lidhje me reformën në drejtësi, që ka filluar qysh në gusht të vitit 2014.


Vlera e përgjithshme e kontratës së EURALIUS-it V është 7.5 milion Euro dhe kohëzgjatja është 36 muaj. Buxhetohet një ekip prej 40 anëtarësh personeli dhe ekspertësh nga të cilët shumica janë kontraktuar.


IRZ-ja vlerëson shumë që ka mundësinë për të vazhduar një bashkëpunim të mirë-vendosur me Dr Agnes Bernhard si Shefe Misioni, e cila e ka patur këtë pozicion edhe në EURALIUS-in IV. Partnerët e Konsorciumit - përveç atyre që ishin partnerë në projektin paraardhës EURALIUS IV - janë Qendra për Bashkëpunim Ligjor Ndërkombëtar (CILC/NL), Agjencia për Zhvillim Ekonomik (AED) dhe një anëtar i ri "Consiglio Superiore della Magistratura" (CSM) nga Italia.
EURALIUS-i V ka për detyrë të mbështesë më tej konsolidimin e përgjithshëm të reformës së filluar në drejtësi. Në lidhje me ngritjen e institucioneve të reja të drejtësisë, që u ngritën bazuar në kushtetutën e re dhe menjëherë pas kësaj me miratimin e paketave përkatëse legjislative, plani kohor fillestar deri tani nuk mund të zbatohej për shkaqe të ndryshme. Në këtë mënyrë, data e fillimit të EURALIUS-it V vjen në një fazë sensitive ku ngritja e institucioneve të reja të drejtësisë dhe vazhdimi i zbatimit të reformës në drejtësi është e paracaktuar në një masë të konsiderueshme nga procedurat në vazhdim të vetingut.
Pritet gjithashtu që të merret një vendim në lidhje me hapjen e mundshme të bisedimeve të aderimit në BE-së me Shqipërinë me rastin e Samitit të BE-së që do të zhvillohet më 28/29 qershor 2018 do të ketë një ndikim të konsiderueshëm mbi përpjekjet e përgjithshme për reformën në drejtësi si dhe me ecurinë e reformës.
Me një ekip tepër të motivuar dhe nën një drejtim të shkëlqyer, IRZ-ja do të japë më tej mbështetje të vlefshme për reformën tepër sfiduese por interesante në drejtësi në Shqipëri, që po konsiderohet si historike.

 

Adresa

EURALIUS V
Ministria e Drejtësisë,
Bulevardi Zogu I,
Tiranë, Shqipëri

+355 4 2240 333
+355 68 8046 000
info@euralius.eu

Lajme të Fundit

Kjo faqe u krijua dhe mirëmbahet me mbështetjen financiare të Bashkimit Europian. Përmbajtja e saj është përgjegjësi ekskluzive e partnerëve zbatues dhe nuk pasqyron domosdoshmërisht mendimet e Bashkimit Europian’  

Copyright © Euralius V - Powered by 2LWEB.AL

Save
Cookies user prefences
We use cookies to ensure you to get the best experience on our website. If you decline the use of cookies, this website may not function as expected.
Accept all
Decline all
Read more
euralius.eu