Më 14 dhe 15 maj 2020 EURALIUS në bashkëpunim me IRZ dhe Shkollën e Magjistraturës organizuan dy webinare me Autorë dhe Bordin Shkencor të Komentarit Elektronik.
Trajnim ‘Papërdorshmëria e provave në procesin penal’
Më 19 maj 2020, Shkolla e Magjistraturës në bashkëpunim me EURALIUS dhe Projektin Italian AICS/ CSM organizuan një trajnim me temë: ‘Papërdorshmëria e provave në procesin penal:
Trajnim mbi metodologjinë e Auditimit të Brendshëm
Në datat 7 dhe 8 maj 2020, EURALIUS në bashkëpunim me Ministrinë e Financave dhe Ekonomisë po organizojnë një trajnim me përfaqësuesit e Njësisë së Auditimit të Brendshëm, Drejtorisë së Financave të Ministrisë së Drejtësisë dhe Njësisë së Auditimit të Drejtorisë së Përgjithshme të Burgjeve për metodologjinë e auditimit të brendshëm, planifikimin e auditimit, vlerësimin e risqeve, etj. Kjo është pjesa e parë e kursit të trajnimit, e cila do të pasohet nga tre trajnime të tjera për metodologjinë e auditimit të performancës, zbatimin e rekomandimeve të auditimit, si dhe auditimin e fondeve IPA.
Këto trajnime realizohen në kuadër të ndihmës që EURALIUS i jep Ministrisë së Drejtësisë dhe institucioneve vartëse të saj për të përmirësuar cilësinë e veprimtarive të auditimit.
Këto trajnime do të mbahen në ambientet e sallës së konferencave të MD-së, duke marrë të gjitha masat paraprake, siç janë këshilluar nga Autoritetet Shqiptare.
Workshop – Kurrikula për Kancelarët e Prokurorive
Me datë 1 Maj 2020, Shkolla e Magjistraturës në bashkëpunim me EURALIUS organizoi një workshop online me Grupin e Punës për Hartimin e Kurrikulës për Kancelarët e Porkurorive. Ky ishte dhe takimi i parë i Grupit të Punës, që është i përbërë nga përfaqësues nga Këshilli i Lartë i Prokurorisë, Shkolla e Magjistraturës, Prokurorë, Kancelarë Prokurorie dhe Ekspertë të EURALIUS. Grupi i Punës do të hartojë programin (kurrikulën) e trajnimit fillestar të kancelarëve të prokurorive. Kurrikula do të ndjekë modelin e kurrikulës tashmë të përfunuduar për trajnimin fillestar të kancelarëve të gjykatave. Gjatë këtij workshop-i të parë u diskutuan objektivat mësimorë për disa module dhe u ra dakord për planin e punës në vazhdim.
Ndërgjegjësim rreth Profesionit të Magjistratit
Më 30 Prill 2020, EURALIUS mori pjesë në një leksion online ‘Shkëmbimi i informacionit, aktivitetet e inteligjencës dhe skuadrat e përbashkëta hetuese: Roli i Shkollës Shqiptare të Magjsitraturës’, organizuar nga Jean Monnet Module, EU-Western Balkans Cooperation on Justice and Home Affairs (EUWEB), Universiteti i Salernos në Itali. Ekspertët e EURALIUS dhe përfaqësuesi i Shkollës së Magjistraturës (SHM) mbajtën prezantime rreth ‘Rolit të Shhkollës së Magjistraturës në kuadër të Reformës në Drejtësi në Shqipëri’ dhe patën mundësinë të rritnin ndërgjegjësimin e të pranishmëve për profesionin e magjistratit dhe t’i prezantonin ata me procedurat e aplikimit në SHM. Leksioni u ndoq nga 70 studentë dhe profesionistë të drejtësisë. 25 prej tyre ishin me origjinë shqiptare dhe si të tillë kandidatë potencialë për të aplikuar për në SHM.