Më 17 dhjetor 2019, EURALIUS i dhuroi Komentarin Elektronik Shkollës së Magjistraturës.
Komentari Elektronik është një platformë për praktikantët e ligjit dhe të gjithë të interesuarit që të kuptojnë dhe të njohin ligjet e Reformës në Drejtësi. Është konceptuar nga EURALIUS IV dhe zhvilluar më tej nga EURALIUS V duke u bazuar në modelet e komentarëve elektronikë të cilët përdoren tashmë nga vëndet anëtare të Bashkimit Europian. Komentari Elektronik aksesohet pa pagesë nga çdokush, nëpërmjet faqes së internetit të Shkollës së Magjistraturës.

Në datat 10 - 11 dhe 12 - 13 dhjetor 2019 EURALIUS në bashkepunim me Shkollën e Magjistraturës dhe Dhomën e Avokatisë së Shqipërisë organizoi dy trajnime mbi aspekte te procedures civile me ndikim ne rritjen e efektivitetit te gjykimit civil.

Me datë 18 dhe 19 nëntor 2019, EURALIUS në bashkëpunim me PAMECA dhe Shkollën e Magjistraturës organizoi një trajnim dy ditor në Shkodër për Ligjin Anti-Mafia. Ky është trajnimi i dytë rajonal i paraprirë nga trajnimi për Ligjin Anti-Mafia i mbajtur në Vlorë në tetor 2019.

EURALIUS në bashkëpunim me Qendrën Studimore Hollandeze për Gjyqësorin (Dutch Study Centre for the Judiciary (SSR)) dhe Shkollën e Magjistraturës organizuan një trajnim dy-ditor me temë ‘Trajnim Trajnerësh për Zbatimin e Kurrikulës së Re për Formimin Fillestar’.
Në këtë trajnim morën pjesë pedagogë të jashtëm dhe ekspertë të jashtëm të Shkollës që janë angazhuar në mësimdhënie në formimin fillestar.

Në datën 04 nëntor, EURALIUS mundësoi në emër të Këshillit të Lartë Gjyqësor (KLGJ) një tryezë të rrumbullakët me gjyqtarë të të gjithë niveleve në Republikën e Shqipërisë. Qëllimi i takimit ishte diskutimi i projekt-akteve mbi vlerësimin etik dhe profesional të gjyqtarëve dhe mbledhja e kontributeve nga gjyqtarët për strukturën dhe përmbajtjen e (i) projektvendimit për vlerësimin etik dhe profesional të gjyqtarëve, (ii) skemën e pikëve të pikëzimit metodologjinë përkatëse, si dhe (iii) draftet e formularëve standard të vlerësimit.

Më 15 dhe 16 tetor 2019, EURALIUS organizoi një workshop për planin strategjik 5 vjeçar të Këshillit të Lartë të Prokurorisë (KLP). Workshopi u mbaj në Vlorë me pjesëmarrjen e nëntë anëtarëve të KLP-së, Shefes së Kabinetit si dhe tre këshilltarëve ligjorë, të cilët morën pjesë aktive në diskutime.
 
Në fillim të këtij viti, EURALIUS organizoi një tjetër workshop mbi të njëjtën temë, ku misioni, vizioni dhe vlerat thelbësore u diskutuan dhe u përcaktuan nga anëtarët e KLP-së.
 
Gjatë eventit, ekspertët e EURALIUS mbajtën prezantime mbi komponentët kryesorë të strategjisë, ndërsa anëtarët dhe stafi i KLP-së diskutuan përmbajtjen e rezultateve të pritshme, objektivave dhe indikatorëve. Gjithashtu, anëtarët dhe stafi i KLP-së diskutuan mbi matricën e menaxhimit të riskut në lidhje me realizimin e strategjisë, dhe përmbajtjen e një plani veprimi tre mujor për vitin 2020.
 
Rezultati i këtij workshopi do të jetë një variant i rishikuar i strategjisë që do t’i paraqitet KLP-së për shtjellim dhe rishikim të mëtejshëm – përfshirë dhe reflektimin e kontributeve nga aktorët kryesorë pas një konsultimi publik - dhe  miratimi përfundimtar i planit strategjik në muajt e ardhshëm.

Me datë 14 dhe 15 Tetor 2019, EURALIUS në bashkëpunim me PAMECA dhe Shkollën e Magjistraturës organizoi një trajnim dy ditor në Vlorë për Ligjin Anti-Mafia. Ky është trajnimi i parë rajonal që do të ndiqet dhe nga një trajnim tjetër në Shkodër në Nëntor 2019.
Gjatë trajnimit, Ekspertët e PAMECA prezantuan eksperiencën italiane të zbatimit të Ligjit Anti-Mafia. Ndërsa Ekspertët e EURALIUS dhanë udhëzime përsa i përket rasteve praktike të zbatimit të ligjit.
Ekspertët e Shkollës së Magjistraturës prezantuan përvojën shqiptare dhe përmirësime të mundëshme në efikasitetin e hetimeve si dhe interpretim dhe zbatim të Ligjit Anti-Mafia nga këndvështrimi i Gjykatës për Krime të Rënda.
Trajnimi u zhvullua në Vlorë dhe morën pjesë 40 magjistratë, të cilët treguan interes të lartë për temën dhe morën pjesë në diskutime.

Më datë 16 – 17 Shtator 2019 EURALIUS në bashkëpunim me Qëndrën Hollandeze Studimore për Gjyqësorin (SSR), organizoi një trajnim dy ditor të trajnerëve për mentorimin.

Më 11 dhe 12 Korrik 2019 EURALIUS në bashkëpunim me Qëndrën Hollandeze Studimore për Gjyqësorin (SSR), organizoi një workshop tjetër dy ditor mbi rishikimin e programit mësimor të trajnimit fillestar të Shkollës së Magjistraturës.

Më 26-27 Qershor 2019, EURALIUS V në bashkëpunim me PAMECA V dhe Shkollën e Magjistraturës organizoi trajnimin e tretë mbi disa ndryshime të Kodit të Procedurës Penale “Gjyqtar i Seancës paraprake” (trajnimi i parë u organizua më 3 – 4 Dhjetor 2018 dhe i dyti më 3 Qershor 2019)